(أنا)
جا عندي لي سمِيْتُو (أنا)
وقالي : مالك؟
قل لي مالك ؟
ماراك على بالك
ماراسي على حال من لحوال
ولاعاجبك حال من حوالك
ياكْمَا …
غرقت لك سفن فالبحر
أو ضعتي فقطعان من جمالك
ياكْمَا خسرتي فالبورصه اكثر
او حساب البنك مشى لك
ياكْمَا مشيباك النسيبه
أو مشيبينك عيالك
أو ،،،
ياكْمَا مديون
ضايع فرأس مالك
ويبان لك العالم أسود
أسود كُلُّو حالك
شفتك …
غارق مهموم
والناس قابله على هبالك
ما نملك لك غير الدعاء
ندعي:
يفك الله خبالك
ويلا ما عجبك دعايا
نقولك :
أنت مهلوك و هالك
قلت لو:
أسمع ،،،
يالي اسميتو أنا
فال الله ولا فالك
يالي أسميتو أنا
بدل الساعه
بأخرى مزيانه
حامد الله على كل حال
ديرها فبالكْ
كاينه ناس حالها
كفس من حالي
كاينه ناس
تتمنى تكون بحالي
نخرج بالحمد من حال لحال
وداير الأمل فالبال
نديرو حبيب قريب
ونديرو عم و خال
ونبدا اليوم قبل غدا
نزين فنيات وأعمال
مابين تنفيسه وتنهيده
يفك الله لخبال
سليمان مستعد
غشت2023
